Облыс әкімі аппаратының, облыстық басқармалар мен департаменттердің өкілдерінен тұратын облыстық ведомствоаралық комиссия құрамында Басқарма мамандары Аякөз (14-15 маусым), Зайсан (22-25 маусым) аудандарында болды.
Комиссия жұмысы қалалық және аудандық әкімдіктердің қызметін келесі мәселелер бойынша тексеруден тұрды:

  • бақылаудағы құжаттардың орындалуы;
  • жемқорлыққа, қылмыстыққа, нашақорлыққа қарсы күрес;
  • Жол картасын және халықты жұмыспен қамту мен әлеуметтік қорғау бағдарламаларын іске асыру;
  • экономика, денсаулық сақтау, білім, экология, кәсіпкерлік және өнеркәсіп, сәулет және қала құрылысы, агроөндірістік кешені, жолаушылар көлігі, ауыл шаруашылығы, жер және басқа мәселелер.

    • Аякөз және Зайсан аудандарының жер қатынастары бөлімдерінің тексеру нәтижесінде келесі ұсынымдар берілді:

  • жерді пайдалану мониторингін жүйелі түрде жүргізу;
  • пайдаланылмайтын жер учаскелерін анықтап, оларды алдағы уақытта меншік иелері мен жер пайдаланушыларға беру үшін иесіз мүлік ретінде есепке алу бойынша жұмыстарды жалғастыру;
  • жер учаскелерінің иесіз мүлік ретінде еспете тұру мерзімі аяқталғанда оларды мемлекет меншігіне уақытында қайтаруды қамтамасыз ету;
  • фактілі пайдалануы олардың агроөндірістік топырақ сипаттамасымен сәйкес келмейтін жерлерді анықтау және оларды басқа алқап түріне ауыстыру бойынша жұмыстарды жалғастыру;
  • тыңайған жерлерді ауыл шаруашылық айналымына тарту бойынша жұмыстарды жалғастыру;
  • жер учаскелерін аукциондар арқылы беруді қамтамасыз ету.